“तिम्रो जवानी”

तिम्रो मुस्कानमा बिजुली चम्किन्छ
कहीँ कसैलाई लोभ्याउन त हैन?

धपक्क बलेको जवानी तिम्रो
कहीँ कसैलाई जलाउन त हैन?

बेचन छन् तिम्रो मनका भावहरु
कहीँ कसैलाई व्याकुल बनाउन त हैन?



फैलियको केशरासी तिम्रो
कहीँ कसैलाई अल्झाउन त हैन?

खोजी रहेछन् तिम्रो चन्चल आँखाले
कहीँ कसैलाई लठ्ठयाउन त हैन?

छचल्की रहेछन् तिम्रो प्रेमको सागर
कहीं कसैलाई डुबाउन त हैन?

रचनाकार

अनु शाह

काठमाडौँ नेपाल हाल Waltham MA