महलको कल्पना गरे महल कहाँ पाईन्छ र ?
सोधी बुझी जोखेरै माया कहाँ लाईन्छ र ?

सुन्दर सपना सजाउन दुई मन मिले पुग्छ
संसारको भौतिक चिज सारा कहाँ चाहिन्छ र ?

एक मनले अर्को मनलाई बुझेर माया लाए 
चर्च ,गुम्बा मठ मन्दिर नै कहाँ धाईन्छ र ?


हजार फूल फुल्ने सुन्दर बगैचा भित्र कुनै
फूलको आशा नराखे धोका कहाँ पाईन्छ र ?

संगीत को धुन सँग सँगै नरमाउने ले यहाँ
माया प्रितीको धुन कहाँ गुन गुनाउछ र ?

गजलकार
किरण मेयोङ्बा "थाङ्ने कान्छा"
यू ए ई आबुधाबी
पाँचथर नङ्गिन
 
Copyright © 2017 Palpali Milan ( www.Palpalimilan.blogspot.com )
साथीहरुको निम्ति साथीहरुद्धारा तयार पारिएको सानोसंसार पाल्पाली मिलनमा पाल्नुभएकोमा हजुरको सफल अनि सुखद जीवनको कामना गर्दै हृदय देखी नै स्वागत गर्दछौ । Thanks A Lot For Your Valuable Visit. Have A Life Full of Happiness And Success.