Naya Sahityik Widhaa


नयाँ साहित्यिक विधाको रुपमा सुरुवात गरिएको घोचोलाई साहित्यअनुरागी सम्पूर्ण सहित्यिक मनहरु समक्ष पुर्याउने एउटा सानो प्रयास स्वरुप केहि घोचोहरुको साथमा घोचो : नयाँ विधा नयाँ प्रयास भाग १ यहाँहरु सम्पूर्णमा समर्पित गर्दछौ





 आजभोली (अस्मी जी.एम)

Asmi GM साहित्यमा विविधता आएको छ आजभोली
सर्जकमा अन्योलता छाएको छ आजभोली !!

कोहि भन्छन् ठुलो दाइ कोहि दाइ ठुले यहाँ
एकताले अनेकता पाएको छ आजभोली !!

सर्जकमा अन्योलता छाएको छ आजभोली
एकताले अनेकता पाएको छ आजभोली !!


Ilami Garuwali Sailoके घोचो ? ( ईलामे गरुवाली साईलो )

घोचकले अनार झारेन भने के घोचो ?
सर्पलाई खुत्रुक्कै पारेन भने के घोचो ?

लगाएर निसानी हानेर घुएत्रो त्यहाँ
चरीलाई भुतुक्कै मारेन भने के घोचो ?

सर्पलाई खुत्रुक्कै पारेन भने के घोचो ?
चरीलाई भुतुक्कै मारेन भने के घोचो ?

पानी कस्तो ( नगेन्द्र थापा )
Nagendra Thapa
ढुङ्गा पगाल्न सक्ने मायाको, बानी कस्तो
सँसार देख्न सक्ने आँखाको, नानी कस्तो

जती पिउदा नि नमेटिने, मायाको प्यास
सुक्दै नसुक्ने यो सागरको, पानी कस्तो

सँसार देख्न सक्ने आँखाको, नानी कस्तो
सुक्दै नसुक्ने यो सागरको, पानी कस्तो


तारापनि झारिदिन्छु ( नीरस मैनाली )
Neeras Mainali
तिमी भनि हेर प्रिय तारापनि झारिदिन्छु
तिम्रा शत्रु जति सबै चारधाम तारीदिन्छु

ढुक्क भई बस्नु फेरी मानि सधैं मेरै भर
समिप त्यी आए भने छेकबार बारीदिन्छु

तिम्रा शत्रु जति सबै चारधाम तारीदिन्छु
समिप त्यी आए भने छेकबार बारीदिन्छु

 मार्नु ठिक हैन ( रबिन प्रधान 'प्रतिक' )
Rabin pradhan pratik
जन्मेकालाई मार्नु ठिक हैन !
सफलता छ हार्नु ठिक हैन !!

सर्जक त्यसै मर्न चाहन्नन् !
अप्ठेरो बिच पार्नु ठिक हैन !!

सफलता छ हार्नु ठिक हैन !
अप्ठेरो बिच पार्नु ठिक हैन !!




नजरले लठ्यायो ( राज कंडेल "निरास" )

Raj Kandel Niras
कँसिला ति दन्त लहरले लठ्यायो
हँसिला उनका अधरले लठ्यायो

दिवाना बने छू त्यो सुन्दर रुपको
नसिला नयन नजरले लठ्यायो

हँसिला उनका अधरले लठ्यायो
नसिला नयन नजरले लठ्यायो


Shamser Lama Moktanरुन्छ्यौ तिमी (शमसेर लामा मोक्तान )


हजार फूल, चुन्छ्यौ तिमी
आखिर एक्लै, हुन्छ्यौ तिमी

पश्चातापमा, छाती पिटी
मलाई सम्झी, रुन्छ्यौ तिमी


आखिर एक्लै, हुन्छ्यौ तिमी
मलाई सम्झी, रुन्छ्यौ तिमी
 
 
Copyright © 2017 Palpali Milan ( www.Palpalimilan.blogspot.com )
साथीहरुको निम्ति साथीहरुद्धारा तयार पारिएको सानोसंसार पाल्पाली मिलनमा पाल्नुभएकोमा हजुरको सफल अनि सुखद जीवनको कामना गर्दै हृदय देखी नै स्वागत गर्दछौ । Thanks A Lot For Your Valuable Visit. Have A Life Full of Happiness And Success.