** नयाँ वर्ष विशेष गजलहरु **
Gajal Kar Yogen Dholi

नयाँ साल मा फूली दिनु फक्रीएको फूल सरी
बाँकी जिवन बाच्नु सदा, संसारमा सुबास छरी

जस्तो थियो बिगता मा, यथावतै रहोस साथ
नछुटियोस यात्रा पथमा,दोबाटोमा दोमन गरी

आँधी हुरी आए पनि,अडिक रहोस जिन्दगी
दिर्घायुको कामना छ,नजाओस है भुई झरी



सुख सधै साथी बनोस्, हाँसी खुसी रहनु है
रक्षा गरुन भगवानले,दु:ख जती सारा हरी

नव बर्ष सार्थक बनोस्, मेरो शुभकामना
आँसु भने नदेखियोस्,परेलिमा जूनी भरी

गजलकार
योगेन ढोली


यो नव वर्षको,शुभकामना छ है
komal bhatta gajalkar
खुसी र हर्षको,शुभकामना छ है

शान्ति र संबिधान,लडेरै ल्याउँला
सफल संघर्षको,शुभकामना छ है

निकालौं साथी हो,निकास देशमा
उचित निष्कर्षको,शुभकामना छ है

मिलौँ सबै जना,भातृत्व भावले
विचार विमर्शको,शुभकामना छ है

अब वियोगको,झलक मेटियोस
मिलन स्पर्शको,शुभकामना छ है

गजलकार
कोमल भट्ट

 
Copyright © 2017 Palpali Milan ( www.Palpalimilan.blogspot.com )
साथीहरुको निम्ति साथीहरुद्धारा तयार पारिएको सानोसंसार पाल्पाली मिलनमा पाल्नुभएकोमा हजुरको सफल अनि सुखद जीवनको कामना गर्दै हृदय देखी नै स्वागत गर्दछौ । Thanks A Lot For Your Valuable Visit. Have A Life Full of Happiness And Success.