सेती जस्तै तिमी बग्दा फेवा सरी छचल्किएँ,
आफ्नै अक्ष वरीपरी आफैं भित्र म अल्झिएँ ।

रफ्तारसँगै उर्लिएर सागर छुने रहर होला
त्यो मनको रस्तिबस्ती उमंगको शहर होला
चौघेरामा बन्दी म त यसै त्यसै अल्मल्लिएँ,
आफ्नै अक्ष वरीपरी आफैं भित्र म अल्झिएँ ।

वेदनाको माछापुच्छ्रे छातीभित्रै लुकेको छ
पोखराको झरिसँगै सारा याद दुखेको छ,

कंचन बनी बगिरह्यौ म हिलोमा रुमल्लिएँ,
आफ्नै अक्ष वरीपरी आफैं भित्र म अल्झिएँ ।

सेती जस्तै तिमी बग्दा फेवा सरी छचल्किएँ,
आफ्नै अक्ष वरीपरी आफैं भित्र म अल्झिएँ ।

गीतकार
नैना निरझरा
धादिंग नेपाल
 
Copyright © 2017 Palpali Milan ( www.Palpalimilan.blogspot.com )
साथीहरुको निम्ति साथीहरुद्धारा तयार पारिएको सानोसंसार पाल्पाली मिलनमा पाल्नुभएकोमा हजुरको सफल अनि सुखद जीवनको कामना गर्दै हृदय देखी नै स्वागत गर्दछौ । Thanks A Lot For Your Valuable Visit. Have A Life Full of Happiness And Success.