*** गुलाबको नशालु सुवासमा ***

गुलाबको नशालु सुवासमा मदहोस हुन्छुं बेहोस जस्तै
कमलको रसिलो सौन्दर्यमा रसातूर हुन्छुं बेहोस जस्तै

भीर पाखा अप्ठ्यारोम जब अल्झिन्छ यो जिन्दगि
सुनगाभा जस्तै संधैं टिक्न नसकी, हुन्छुं बेहोस जस्तै

जिन्दगीमा जब चढ्न थाल्छ खुशीका अपार लालिमा
लालुपाते झैं सिउरि दिन नपाए, हुन्छुं बेहोस जस्तै



सयपत्री , बेली, चमेली , गुणकेशरी फूल अनेक थरि
पलाँस भनेर नहेप्नु , हेपे हुन्छुं बेहोस जस्तै

यो जिन्दगि बगैचा जस्तै, फुल्छन् भावका फूलहरु
उपेक्षित नजरले नकुल्चिनु , कुल्चे हुन्छुं बेहोस जस्तै

गजलकार

सुधीर ख्वबि

ललितपुर नेपाल