नेपाली गजल "मनै पनि रमाइलो " सरिता शर्मा समदर्शी ।

कोइलीको कुहु सुन्दा वनै पनि रमाइलो
तिमीलाई भेट्न पाए मनै पनि रमाइलो

चाहिदैन् नरम डस्ना एक निन्द्रा निदाउन
तिम्रो काख र खुल्ला गगनै पनि रमाइलो

पर्खाउछौ मध्य घाममा आउँदैछु म भनी
पोलिदिने तब त्यो किरनै पनि रमाइलो


तिम्रै हुँ म भनी जब विश्वास दिलाउछौ
लजाउदै ढाक्न पर्ने योवनै पनि रमाइलो

कोइलीको कुहु सुन्दा वनै पनि रमाइलो
तिमीलाई भेट्न पाए मनै पनि रमाइलो

गजलकार

सरिता शर्मा समदर्शी

कालिङ्गपोङ्ग भारत

हाम्रो अभियान “श्रष्टाको सम्मान” ।