**** गाउँ ****

तिम्रो गगनचुम्बी शहरको पछील्तिर 

मेरो सानो गाउँ छ

मूल सडक छोडेर कुनैदिन

यी नागबेलीहरु पैलाउदै आउ

यहाँ प्रत्येक घरहरुमा

तिमीलाई अटाउने ठाउँ छ ।

आएर हेर यो गाउँलाई

यहाँ हरठाउमा अभाव छ

तर आफ्नो भाग अरुलाई खुवाएर

आफु अघाउने मेरो गाँउ छ

छामेर हेर मेरो गाउँलाई

यहाँ हरठाउँ मा नै घाऊ छ

तर आफ्नो चोटहरु पन्साएर

हृदयभरी अरुलाई अताउने ठाउँ छ ।

झोपडीहरुले ठडिएको

आदिम मेरो गाउँकै अघिल्तिर

पुर्णेको जूनझै जग्मगाउने

झलमल्ल तिम्रो शहर छ

मूल सडकका रमिताहरु हुँदै

कुनैदिन म त्यता आए

भन मलाई कतै ठ्हर छ ???

रचनाकार 

सरन मुस्कान 

दार्जिलिंग