तिम्रो गगनचुम्बी शहरको पछील्तिर 
मेरो सानो गाउँ छ
मूल सडक छोडेर कुनैदिन
यी नागबेलीहरु पैलाउदै आउ
यहाँ प्रत्येक घरहरुमा
तिमीलाई अटाउने ठाउँ छ ।

आएर हेर यो गाउँलाई
यहाँ हरठाउमा अभाव छ
तर आफ्नो भाग अरुलाई खुवाएर
आफु अघाउने मेरो गाँउ छ

छामेर हेर मेरो गाउँलाई
यहाँ हरठाउँ मा नै घाऊ छ
तर आफ्नो चोटहरु पन्साएर
हृदयभरी अरुलाई अताउने ठाउँ छ ।

झोपडीहरुले ठडिएको
आदिम मेरो गाउँकै अघिल्तिर
पुर्णेको जूनझै जग्मगाउने
झलमल्ल तिम्रो शहर छ
मूल सडकका रमिताहरु हुँदै
कुनैदिन म त्यता आए
भन मलाई कतै ठ्हर छ ???

रचनाकार 
सरन मुस्कान 
दार्जिलिंग 
 
Copyright © 2017 Palpali Milan ( www.Palpalimilan.blogspot.com )
साथीहरुको निम्ति साथीहरुद्धारा तयार पारिएको सानोसंसार पाल्पाली मिलनमा पाल्नुभएकोमा हजुरको सफल अनि सुखद जीवनको कामना गर्दै हृदय देखी नै स्वागत गर्दछौ । Thanks A Lot For Your Valuable Visit. Have A Life Full of Happiness And Success.