नयाँ बर्ष आयो फेरि आशा किरण बोकी,
हामी माझ छायो फेरि आशा किरण बोकी ।
कुरिती र कुसंस्कारको जरो खन्छु भन्छ,
शान्ति गीत गायो फेरि आशा किरण बोकी ।
देश संगै जनताको ब्यथा हेर्यो टोलाएर,
लोक नै बुझायो फेरि आशा किरण बोकी ।
पुष माघको घाम हुँ भन्छ असारको झरि,
हर्ष मुख बायो फेरि आशा किरण बोकी ।
भन्छ कुरा सहि सोच बर्बाद केही हुन्न,
घाम झै उदायो फेरि आशा किरण बोकी ।
गजलकार
रामचन्द्र कार्की
आपपिपल -४, राईगाउँ गोरखा
हाल : महेन्द्रपुल,
** नयाँ बर्ष **
No comments:
Post a Comment