*** गुलाबको तिखो काँडा हुन्छ थाहाँछ ***

गुलाबको तिखो काँडा हुन्छ थाहाँछ ।

सुड्डी मरे सुड्डा राँडा हुन्छ थाहाँछ ।।

भैंसी राँगा लागे पछी हुन्छ सुत्केरी ।

कित पाडी कित पाँडा हुन्छ थाहाँछ ।।

जस्तै राम्रो मुहार भए पनि सबैको ।

अनुहारमा चुच्चो डाँडा हुन्छ थाहाँछ ।।

सोझा सिधा जनाताको खुन चुस्नेनै ।

कुर्सी माथि बसी साँडा हुन्छ थाहाँछ ।।

फोहर मैला सफा गर्न अल्छि गरेमा ।

पक्कै पनि हैजा झाँडा हुन्छ थाहाँछ ।।

कुच्चिएको कुनै पनि सामान नफेक ।

त्यस्कै अर्को नयाँ भाँडा हुन्छ थाहाँछ ?

जस्को धेरै पैसा अनी मोज मस्तिछ ।

उस्कै छोरा छोरी छाँडा हुन्छ थाहाँछ ।।

गुलाबको तिखो काँडा हुन्छ थाहाँछ ।

सुड्डी मरे सुड्डा राँडा हुन्छ थाहाँछ ।। 

गजलकार
Starhang Bantawa 'jalan' झुत्रेजेठा

jalan.smirti@gmail.com

इटहरी नेपाल ( हाल- यु ए ई