किन आउँछ चिहाउँन पापी जून रातमा
एक्लो प्रहर काटिरैछु कोही छैन साथमा ।

छट्पटिको दिक्दारीले रातै काट्न गार्‍हो भो
बिताइदिएँ सारा रात निष्ठुरिको यादमा ।

माँगु कस्लाई सहारा त्यो भरपर्दो भनेर
रित्तो मन तड्पी रैछ स्पर्ष छैन हातमा ।


अन्धकारमा यताउति छामी हेर्छु उस्लाई
अल्मलिंदै आफै फेरि सपनाको मातमा ।

मिर्मिरेमा झस्किन्छु म सपनीमा देखेर
हेर्न खोज्छु उन्को मुहार शितसरिको पातमा
गजलकार
Acharya Prabha
Jhapa Nepal हाल Denver, Colorado
 
Copyright © 2017 Palpali Milan ( www.Palpalimilan.blogspot.com )
साथीहरुको निम्ति साथीहरुद्धारा तयार पारिएको सानोसंसार पाल्पाली मिलनमा पाल्नुभएकोमा हजुरको सफल अनि सुखद जीवनको कामना गर्दै हृदय देखी नै स्वागत गर्दछौ । Thanks A Lot For Your Valuable Visit. Have A Life Full of Happiness And Success.