नेपाली गजल " तिम्रै नाम छ "

गजल भित्रको बहरमा तिम्रै नाम छ

मेरा यि प्रत्येक रहरमा तिम्रै नाम छ

म लेख्छुँ गजल रुदै रुदै तिम्रो यादमा

कसम सपनाको लहरमा तिम्रै नाम छ

तिम्रै नाम जप्ने गर्छु भक्कानो फुट्छ मनमा

प्रभाती किरणको प्रहरमा तिम्रै नाम छ

सिन्दुरले मुल ढोका बन्द गरी पराई भयौ

मेरा यि आँशुको नहरमा तिम्रै नाम छ

कोठाको भित्तामा तस्विर छन् धोकेवाज

अचेल गाँउदेखी शहरमा तिम्रै नाम छ

आँफैले आँफैलाई सिध्याउने कोशिस गरेँ

र पनि सकीनँ जहरमा तिम्रै नाम छ 

गजलकार 

लक्ष्मन मिलन विष्ट 

अछाम नेपाल हाल मुम्बई