कविता "आफ्नै जीवनी"

पढें जीवनी ठुलो मान्छेहरूको
र पढें राक्षसहरूको पनी,
भुले पढ्न
आफ्नै जीवनी..

पढें धेरै कथाहरू प्रेमका
र पढें विछोडका कथा पनी,
भुले पढ्न
आफ्नै प्रेमकथा...


सुनें धेरै मृत्युका घटना
र देखें धेरै लाशहरू पनी
पाइंदैन देख्न
आफ्नै मृत्यु र लाश....

देखें धेरै हाँसो र खुशीहरू
देखें आँशु र पिडाहरू पनी..,
हाँसो र आँशुको दोसाँधमा
अल्झीएको छु आफैं..

कवी

गणेश नेपाली

भरत पोखरी –७ कास्की,पोखरा

हाल – अबुधाबी यू ए इ ।