सुखको आश देखाई, दुःखले छलिरा'छ साथी
मरिसकेको छैन म, सास त चलिरा'छ साथी !!
सगरमाथा सरी विशाल होइन मेरो लक्ष्य
तथापी बिच बाटोमै पाइला गलिरा'छ साथी !!
त्यसै खेर गयो रे मेरो निष्ठा र इमान्दारिता
स्वार्थी संसारमा आर्दश सबै जलिरा'छ साथी !!
काम,क्रोध,लोभ र मोहको एकलौटी राजले
चोखो मेरो आस्थामा कालोमोसो दलिरा'छ साथी !!
आधीँलाई छिचोलेर अगि बढ्ने अठोट गरी
आशारुपी जीवनज्योती अझै बलिरा'छ साथी !!
Milan Aryal
पाल्पा खस्यौली
हाल बुटवल
