आफ्नो अडान तल झारी संविधान बनाईदेउन
निच दलिय स्वार्थ मारी संविधान बनाईदेउन
तेरो मेरो किन भन्छौ ? लडाँई,झगडा अब नगर
रिस राग सबै पर सारी संविधान बनाईदेउन
देशै नरहे के को पार्टी ? के को नेता एकपल्ट सोच
लौ डुब्न लाग्या डुङ्गा तारी संविधान बनाईदेउन
साँच्चै जनहित सोच्छौ भने किन गर्दैछौ झमेला
दुश्मनी बाटो बारी संविधान बनाईदेउन
सधैभरी जितेकै थियौ हैन?,भोली पनि जितिहाल्छौ
एकपटक आज हारी संविधान बनाईदेउन
गजलकार
बिना तामाङ "सुनगाभा"
काठमाण्डौं ।
सुनगाभा दिदीको नेपाली गजल " संविधान बनाईदेउन "
