*** फूलै फूलका थुँगा हजुर ***

सृष्टि फल्ने धर्ति हजुर, म त जाबो फाली न हुँ

सधैं पाउ सहि रहने, म त जाबो आली न हुँ

फूलै फूलका थुँगा हजुर, हजुरकै तारिफ हुन्छ

बिछोड अनि चोट खेप्ने, म त जाबो डाली न हुँ

गंगाजी को जल हजुर, हजुरकै निश्छल गाथा

लुकेर उधें बगी जाने, म त जाबो नाली न हुँ

 बहुमूल्य धातु हजुर, हजुरकै पूजा-आजा

खोलेफांडो मुछ्ने गिल्टे, म त जाबो थाली न हुँ

संसारलाई भुलाउने, हजुर मा के छैन र ?

सिख्रै भएको रुख जस्तै,म त जाबो खाली न हुँ |

गजलकार

ओम प्रकाश भट्टराई "शुभ चिन्तक"

मोतिपुर -९ कपिलवस्तु ,लुम्बिनी !