संविधानको नाम लीई डेट बढ्दैछ । गजल । नैना निरझरा ।

उपभोग्य सामानको रेट बढ्दैछ
लुटिखाने खन्चुवाको पेट बढ्दैछ

जती खायो उती खाउँखाउँ लाग्छ रे
कमिशनवाला हरुको भेट बढ्दैछ

अलकत्रै खाँदापनि अझै नपुगेर
ठालुहरुलाई ऐशको बजेट बढ्दैछ


रगत चुस्न थालेपछी कस्ले छोड्छ र
त्यसैले त सुरक्षाको गेट बढ्दैछ

अझैपनी खाने बाटो बाँकी राख्न होला
संविधानको नाम लीई डेट बढ्दैछ

गजलकार

नैना निरझरा

धादिंग नेपाल