अन्तिम सास सम्म माया नमार्नु है सानु ( Gajal )

एक्लै युद्द थाल्यौ अब नहार्नु है सानु
भाबुक बन्दै तड्पी आँसु नझार्नु है सानु


दिन्न भन्थें एक्लै लड्न झुक्याएर गयौ
यात्रा बिचमै अलपत्र नपार्नु है सानु



विस्वासको दियो बाली बस्छु तिम्रै नाउँमा
मलाई भेट्न आउने भाका नसार्नु है सानु ।

तिम्रै हुँ म तिमी मेरो मानेकी छु मैले
यो मन छोडि अर्कै बाग नचार्नु है सानु




जुनी भरि तिम्रै नामको सिन्दुर पोते लाउछु
अन्तिम सास सम्म माया नमार्नु है सानु




गजलकार
बिमला अधिकारी {देवकोटा}
भरतपुर चितवन
अन्तिम सास सम्म माया नमार्नु है सानु ( Gajal )