** ख्याल ठट्टा गर्दै **

ख्याल ठट्टा गर्दै नाता, जोड्यौ तिमीले
मिठा मिठा यादहरु, छोड्यौ तिमीले

दाया बाया नलागेको, मेरो मनलाई
मायाको त्यो जादु चलाई, मोड्यौ तिमीले

पिरतिको बिरुवालाई, न्यानो स्पर्शले
राम्रो सिप लागाएर, गोड्यौ तिमीले


जान पाउने छैनौ मलाई एक्लै बनाएर
यो मायाको चुदरीलाई, ओढ्यौ तिमीले

ख्याल ठट्टा गर्दै नाता, जोड्यौ तिमीले
मिठा मिठा यादहरु, छोड्यौ तिमीले

गजलकार

शान्ती अधिकारी

लमजुङ्ग नेपाल हाल नेपालगञ्ज