यो "राष्ट्रप्रेमी" बेचिन्न बुझ्यौ । नेपाली गजल । टिका खड्का राष्ट्रप्रेमी ।

खोजेको सबै भेटिन्न बुझ्यौ
भावीको लेखा मेटिन्न बुझ्यौ

औकात आफ्नो नभुल तिमी
हातले घाम छेकिन्न बुझ्यौ

नगरी कर्म पाइदैन फल
शिखरमा त्यसै टेकिन्न बुझ्यौ


खोजेर सुख पाउँने भए
दु:खले मान्छे रेटिन्न बुझ्यौ

जीवनमा नपाई आफुले चोट
अरुको घाऊ देखिन्न बुझ्यौ

पैसामा तिमी बिकेनी नेता
यो "राष्ट्रप्रेमी" बेचिन्न बुझ्यौ ।।

गजलकार

टिका खड्का राष्ट्रप्रेमी

दमक झापा हाल दोहा